Neçə ölkədə meymunçiçəyi yayılıb? - ÜST AÇIQLADI

28-06-2022, 09:36           
Neçə ölkədə meymunçiçəyi yayılıb? - ÜST AÇIQLADI
Ümumdünya Səhiyyə Təşkilatı (ÜST) 2022-ci ilin əvvəlindən 50 ölkədə meymunçiçəyi infeksiyasına 3413 yoluxma və bir ölüm hadisəsini təsdiqləyib.

Meymunçiçəyinə yoluxma ən çox (86%) Avropa regionunda rast gəlinir. Onu Amerika materiki (11%), Afrika (2%), Şərqi Aralıq dənizi (1%-dən az) və Asiya-Sakit okean bölgəsi (1%-dən az) izləyir. Ölkələrdə ən çox meymunçiçəyi 793 nəfərin yoluxduğu Böyük Britaniyada, həmçinin Almaniyada (521), İspaniyada (520), Portuqaliyada (317), Fransada (277), Niderlandda (167) və ABŞ-da (142) qeydə alınıb. Qalan 43 dövlət və ərazidə yoluxma hallarının sayı 100-ü keçmir. İndiyədək yeganə ölümcül nəticə Nigeriyada qeydə alınıb.

ÜST epidemioloji vəziyyəti diqqətlə izləyir. Meymunçiçəyinin endemik olmadığı ölkələrdə yoluxma əsasən son günlərdə “yeni və ya çoxsaylı partnyorlarla” intim münasibətdə olan kişilərdə aşkar edilir.

ÜST xəstəliyin qlobal miqyasda yayılma riskini orta səviyyədə hesab edir. Meymunçiçəyi üzrə komitə iyunun 23-də Cenevrədə keçirilən iclasında belə nəticəyə gəlib ki, epidemiya hazırda beynəlxalq narahatlıq doğuran fövqəladə hal deyil.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru