Azərbaycan Respublikasının 2 il 3 aydan çoxdur ki, Rusiyanın "sülhməramlı" sayılan hərbi qüvvələrinin nəzarətində olan və 32-ci ildir ki, separatçı-terrorçu hayk rejiminin fəaliyyət göstərdiyi ərazisində sakinlərə talonla təqdim olunan ərzaq məhsullarının siyahısı genişləndirilib.

Moderator.az xəbər verir ki, bu haqda jurnalistlərə xuntanın hazırda Putinin "milyarder" desantı Ruben Vardanyanın başçılıq etdiyi qondarma "hökumət"in "yaşayış məsələləri komitəsinin sədri" vəzifəsini icra edən İnna İşxanyan danışıb.

Fevralın 21-dən separatçı rejimin ehtiyatından verilən 5 növ ərzaq məhsullarına daha üç ad əlavə olunacaq: yumurta, meyvə-tərəvəz və bir qeyri-ərzaq məhsulu (paltaryuyan toz).

"Əlavə edilən mal növləri adambaşına ayda aşağıdakı miqdarda veriləcək: 10 yumurta, 6 kq tərəvəz, 4 kq meyvə, 1 qutu yuyucu toz”, - deyə İ.İşxanyan qeyd edib.