Rays Universitetinin mühəndisləri xəstə insan üzərində nümayiş etdirilmək üçün implantasiya edilə bilən ən kiçik beyin stimulyatoru hazırlayıblar.

Yeni cihaz maqnitoelektrik enerji ötürmə texnologiyası sayəsində “Jacob Robinson's Race” laboratoriyasında hazırlanıb və noxud boydadır.

Cihaz xarici ötürücü vasitəsilə kabelsiz enerji ilə təchiz oluna və beyini stimullaşdırmaq üçün istifadə edilə bilər.

Araşdırmanın nəticələri “Science Advances” jurnalında dərc olunub.

“Digital Overhead Therapy” (DOT) kimi tanınan cihaz, mövcud neyrostimulyasiya əsaslı müalicələrdən daha çox xəstə muxtariyyəti və əlçatanlığı təmin edən terapevtik alternativdir. Onun istifadəsi nəticəsində dərmana davamlı depressiya, psixiatrik və ya nevroloji pozğunluqların müalicəsində inqilab potensialına malikdir.

“Noxud boyda cihazımızın beynin motor korteksini aktivləşdirə biləcəyini və xəstənin qolunu hərəkət etdirməsinə səbəb olduğunu göstəririk. Gələcəkdə biz implantı beynin digər hissələrinə, məsələn, depressiya və ya digər pozğunluqları olan insanlarda icra funksiyasının yaxşılaşacağını gözlədiyimiz prefrontal korteks üzərinə yerləşdirə bilərik”, - deyə tədqiqatçılar qeyd ediblər.