Avropalı ev təsərrüfatları pandemiyadan əvvəlki səviyyədən yuxarı səviyyədə əmanət toplamaqda davam edir, amerikalı istehlakçılar isə qlobal iqtisadi artıma təkan verən böyük pul xərcləyirlər.

Qaynarinfo "Eurostat"a istinadən xəbər verir ki, Avrozonanın ev təsərrüfatlarının əmanət əmsalları 2023-cü ilin ikinci rübündə 15.7% ilə üç ilin ən yüksək səviyyəsinə çatıb və bu da pandemiyadan əvvəlki orta göstərici olan 12.3% səviyyəsindən xeyli yüksəkdir.

ABŞ-da əksinə, şəxsi əmanət dərəcəsi 2010-2019-cu illərin orta göstəricisi olan 6,1%-dən aşağı olmaqla 5,2% təşkil edib.

"Moody's Analytics"in baş iqtisadçısı Mark Zandi deyib: "ABŞ-da qənaət dərəcələrinin aşağı olması ABŞ-ın iqtisadi artımının əsas sürücüsü olan istehlak xərclərini artırdı".
Ətraflı

Mütəxəssislər istehlakçıların davranışındakı fərqləri bir neçə amillə əlaqələndirirlər. ABŞ-da etimadı yüksələn birja və yüksək daşınmaz əmlak qiymətləri artırdı. Rusiyanın Ukraynaya müdaxiləsindən sonra avropalılar böyük iqtisadi qeyri-müəyyənlik yaşayırlar.

ABŞ bankı "Citi"nin baş iqtisadçısı Natan Şits. deyib: "Avropalı istehlakçı çox ehtiyatlıdır və amerikalı istehlakçı daha çox xərcləməyə hazırdır”.

İƏİT bu il ABŞ ÜDM-nin 2,6%, avrozonanın cəmi 0,7%, Böyük Britaniyanın isə 1,1% artacağını proqnozlaşdırır. Ekspertlər xəbərdarlıq edirlər ki, Yaxın Şərqdə münaqişənin kəskinləşməsi regionun Yaxın Şərqdən enerji təchizatından çox asılılığını nəzərə alaraq Avropanın ehtiyatlılığını artıra bilər.

Bundan əvvəl "Sky News" xəbər vermişdi ki, Böyük Britaniyanın dövlət borcunun avqust ayında ÜDM-in 100%-nə çatması, 1960-cı illərdən bəri rekord göstəricidir. Avqustda xalis borclanma 2023-cü ilin eyni dövrü ilə müqayisədə 3,3 milyard funt sterlinq artaraq 13,7 milyard funt-sterlinq olub və tarixdə üçüncü ən yüksək göstərici olub.