Beynəlxalq alimlər qrupu Lafayet meteoritini tədqiq edərək Marsda maye suyun mövcudluğuna dair sübutlar aşkar ediblər.

İqtisadiyyat.az xəbər verir ki, tədqiqatın nəticələri "Geochemical Perspective Letters" jurnalında dərc edilib.

Təxminən 11 milyon il əvvəl Marsdan atılmış Lafayet meteoritində maye su ilə qarşılıqlı təsir nəticəsində formalaşmış minerallar tapılıb. Məlum olub ki, bu minerallar təxminən 742 milyon il əvvəl yaranıb. Alimlər hesab edirlər ki, maye suyun əmələ gəlməsi Marsda maqmatik aktivlik səbəbindən yeraltı buzun əriməsi ilə bağlı olub.

Mineralların yaşını təyin etmək üçün inert qazlar, o cümlədən helium, neon və arqon metodu istifadə edilib. Bu metod planetlərin səthində baş verən fiziki və kimyəvi prosesləri tarixləndirməyə imkan verir. Tədqiqatçılar əldə edilən məlumatların kosmik şüalar və ya meteoritin Yerə düşməsi zamanı çirklənmə kimi xarici faktorlarla təhrif edilmədiyini təsdiqləyiblər.

Sübut edilib ki, Lafayet meteoritində Mars minerallarına suyun təsiri planetin səthindən atılmadan əvvəl baş verib. Tədqiqatçılar həmçinin yeraltı buzun əriməsi nəticəsində maye suyun təsirini təsdiq edə biliblər.