Heç düşünmüsünüzmü ki, illərdir siqaret çəkən bir insanın siqareti buraxdıqdan sonra ağciyərləri nə qədər müddətdə tam təmizlənir, ürəyi və damarları siqaret çəkməyənlərinkinə bənzəyir? Vaxtın az olduğunu düşünürsənsə, yanılırsınız. Cənubi Koreyalı tədqiqatçılar uzun müddət siqaret çəkənin ürək-damar sisteminin heç vaxt siqaret çəkməyən adamın ürək-damar sisteminə nə qədər vaxtda bənzədiyini kəşf etdilər.

TEREF Hürriyet-ə istinadən xəbər verir ki, yeni bir araşdırmada deyilir ki, bir insanın siqareti tərgitdikdən sonra ürək xəstəliyi riskinin orta səviyyəyə düşməsi iyirmi ildən çox vaxt tələb edə bilər, ürək-damar sisteminin isə heç vaxt siqaret çəkməyən birininkinə bənzəməsi üçün 25 il lazım olacaq.

Britaniya Ürək Fondunun məlumatına görə, İngiltərədə hər il ürək xəstəliyindən ən azı 15 000 ölüm siqaretlə bağlıdır.

Amerika Tibb Assosiasiyası tərəfindən nəşr olunan JAMA jurnalında dərc edilən araşdırmanın nəticələri, 8 ildən çox siqaret çəkən, lakin siqareti buraxan insanların hələ də siqaret çəkənlərlə eyni infarkt və ya insult riskinin olduğunu ortaya qoydu.