Rusiya Prezidenti Vladimir Putin Müdafiə Nazirliyi və müdafiə sənayesi kompleksi rəhbərləri ilə müşavirə keçirib.
İqtisadiyyat.az xəbər verir ki, Putin müşavirə zamanı orta mənzilli hipersəs ballistik raket sistemi olan "Oreşnik" üçün ehtiyatların olduğunu açıqlayıb.

Onun sözlərinə görə, bu sistemin seriyalı istehsalına dair qərar qəbul edilib və istehsal prosesi artıq praktiki olaraq təşkil olunub.

Sistemlər strateji qoşunlara təhvil veriləcək.

Qeyd edək ki, "Oreşnik" raketi Almaniyanın paytaxtı Berlinə 8 dəqiqəyə, Böyük Britaniyanın paytaxtı Londona isə 13 dəqiqəyə çata bilər.