Nəmlənmiş duzu əvvəlki halına qaytarmaq üçün bir neçə sadə üsuldan istifadə etmək lazımdır. Foodinfo.az xəbər verir ki, duzun nəmlənməsi əsasən saxlanma şəraitində rütubətə məruz qalmasından qaynaqlanır. Onu yenidən quru və axıcı hala gətirmək üçün aşağıdakı üsulları tətbiq edə bilərsiniz: 1. Sobada qurutma: Nəmlənmiş duzu bir siniyə nazik bir qat şəklində yayın və əvvəlcədən 50-60°C-də isidilmiş sobada 10-15 dəqiqə saxlayın. Tez-tez qarışdıraraq duzun bərabər qurumasını təmin edin.
2. Tava üsulu: Duzun bir hissəsini təmiz və quru bir tavaya qoyun. Orta istilikdə bir neçə dəqiqə qızdıraraq qarışdırın. Bu, nəmin buxarlanmasına kömək edəcək.
3. Nəmi çəkən maddələr əlavə etmək: Duz qabına bir neçə düyü dənəsi əlavə edin. Düyü nəmi özünə çəkərək duzun quru qalmasını təmin edir. Bu üsul həm də duzun gələcəkdə nəmlənməsinin qarşısını alır.
4. Kağız dəsmaldan istifadə etməklə : Duz qabına kağız dəsmal və ya rütubəti çəkən silikajel paketlərindən əlavə edə bilərsiniz. Bu maddələr duzdakı artıq nəmi özünə çəkərək quruluğu bərpa edər. Bu üsulları tətbiq etdikdən sonra duzu hava keçirməyən, quru və sərin yerdə saxlamaq tövsiyə olunur.