Arxeoloqlar Boliviyanın And dağlarında qədim məbədin qalıqlarını aşkar ediblər.

"Arkeonews" xəbər verir ki, Karakollo yaxınlığında yerləşən struktur müasir vizuallaşdırma üsullarından istifadə edilməklə tədqiq edilib.

Alimlər bildirirlər ki, tapılan məbəd ink sivilizasiyasından azı min il daha qədimdir. Ehtimal ki, naməlum mədəniyyət eramızın mininci ilində artıq tənəzzülə uğrayıb.

Məbəd kompleksi təxminən 125x145 metr ölçüdə və mərkəzi həyəti əhatə edən 15 düzbucaqlı strukturdan ibarətdir. Məbəd günəş təqvimi ilə uyğunlaşan memarlıq xüsusiyyətlərinə malikdir ki, bu da məbədin mövsümi və ya kənd təsərrüfatı mərasimləri üçün istifadə edildiyini göstərir.