Çirklənmiş içməli su beyinə ciddi ziyan vurur.

Çin alimləri belə nəticəyə gəliblər.

Onlar bildirirlər ki, per- və polifluoroalkil maddələrin (PFAS) aşağı səviyyələrinə belə uzun müddət məruz qalmaq beyin funksiyasını poza, neyronlara zərər verə bilər.

"Journal of Hazardous Materials" jurnalında dərc olunan tədqiqata görə, nəticədə yaddaş və davranış pozğunluqları meydana gələ bilər.

Bu məlumatlar, geniş yayılmış PFAS-ın içməli suda və ətraf mühitdə artıq aşkar edilmiş səviyyələrinin belə sağlamlıq riski yaratdığına dair narahatlıqları gücləndirir.

PFAS çox sayda istehlak məhsulunda istifadə olunur və torpaqda, suda və canlı orqanizmlərdə toplanır. İnsanlar PFAS-a içməli su, toz, qida, məişət kimyəvi maddələri və hətta kosmetika vasitəsilə məruz qala bilərlər.