Yer üzündəki ən böyük canlı orqanizm olan Pando 43 hektar ərazidə yayılmış 47 000 ağacdan ibarət tək bir bitkidir. Alimlər müəyyən ediblər ki, Pando həm də planetin ən qədim orqanizmi ola bilər.

Oxu.Az xəbər verir ki, bu barədə IFLScience məlumat yayıb.

ABŞ-nin Yuta ştatında bitən Pando ağcaqovaq (Populus tremuloides) növünə aiddir. Pando aseksual çoxalma nəticəsində əmələ gəlib və minlərlə klondan ibarət tək orqanizm hesab olunur.

Pandonun çəkisi təxminən 6 000 ton olub, bu onu Yer üzündəki ən ağır orqanizm edir. Elm adamları bu bitkinin 80 000 ilə qədər yaşı olduğunu müəyyən ediblər.