teref.az olaraq bəzi məmurların Avropada qazın Azərbaycandan baha olduğunu və bunun əhaliyə heç bir sıxıntı vermədiyini dediklərini nəzərə alaraq sizə Avropanın bəzi ölkələrində qazın qiymətini və bunun əhalinin gəlirlərinə nisbətini sizlərə təqdim edirik.
Avropa İttifaqının statistika komitəsi Eurostatın məlumatına görə, Fransada qazın 1 kubu 7 sent (11 qəpik), Avstriyada 7,3 sent (12 qəpik), İsveçdə 12 sent (20 qəpik), Lüksemburqda isə 5 sentdir (9 qəpik).
Bu ölkələrdə qazın 1 kubunun ortalama dəyəri isə təxminən 7,8 sent və ya 13 qəpikdir.
Deməli, illik 6000 kub qaz sərfiyyatı onlara 468 dollar və ya 780 manata başa gələcək. Bu da onların illik 32 min 27 dollarlıq (55 min 465 manat) gəlirinin 1.46 faizidir. Azərbaycanda isə bu rəqəm 20.4-dür.
Həm orta aylıq əmək haqqı, həm illik gəlir, həm də illik qaz sərfiyyatına baxanda Azərbaycandakı qiymət Avropa ölkələrindən təxminən 14 dəfə bahadır. Orta aylıq əmək haqqı isə onlardan 9 dəfə aşağı.
Və belə olan təqdirdə təbii olaraq qazın qiyməti adları çəkilən ölkələrin əhaləsini narahat etməz.
teref.az