NASA Günəşdəki maqnit sahələrinin aktivliyini əks etdirən görüntlər yayımlayıb.

Teleqraf.com xəbər verir ki, video rəsədxana peyki vasitəsiylə lentə alınıb.

Kadrlarda Günəşin Yer tərəfə olan hissəsindəki geniş “tac dəliyi” əks olunub. Görüntülər iki günlük dövrü əhatə edir.

“Tac dəlikləri” demək olar ki, açıq maqnit qüvvə xətləri olan sahələrdir, buradan yüklü zərrəciklər Günəş tacını asanlıqla tərk edir və sürətlə planetlərarası fəzaya yönəlir.

Bu axın Yerlə təmasda maqnitosferlə qarşılıqlı təsirdə olur və onu həyəcanlandırır.