teref.az - İsmayıllı rayon icra hakimiyyəti başçısının sərəncamı ilə yaradılmış komissiya hər ilin yekununda müxtəlif sahələr üzrə təhlil aparır, ən fəalları müəyyənləşdirir. Bu günlərdə 2016-cı ildə fəaliyyət göstərdiyi sahədə ən fəal olanlar müəyyənləşdirilib və onlar ictimaiyyətə tanıdılıb. Ən fəal ağsaqqal rayon veteranlar şurasının sədri Əlaləm Babayev, ən fəal idmançı poverliftinq üzrə Dünya və Avropa çempionu olmuş Kamil Qafarov, ən fəal gənc Humanitar və Texnologiya Kollecinin məzunu İslam Mikayıllı, ən fəal müəllim Surə Mehdiyeva, ən fəal bələdiyyə sədri Zöhrə Şalbuzova, ən fəal şagird şəhər 2 saylı tam orta məktəbin XI sinif şagirdi, Respublika Olimpiadasının Qızıl medalçısı Vaqif Talıblı hesab edilib. Digər sahələr üzrə də ən fəallar müəyyən olunub.
Onlara təntənəli şəraitdə rayon icra hakimiyyəti başçısının fəxri fərmanları və qiymətli hədiyyələr təqdim olunub.
Belə qiymətləndirmə insanların ictimai fəallığının və peşə fəaliyyətinin səmərəliliyinin artırılmasını təmin edir.