Ötən həftə ABŞ-ın Nyu-Cersi ştatında ibtidai sinif uşaqlarına Şaxta babanın gerçək olmadığını deyən müəllim vəzifəsindən kənarlaşdırıldıqdan sonra eyni xətaya prezident Donald Tramp da yol verib.

Hurriyyet.org bildirir ki, “Qafqazinfo”nun xarici mediaya istinadən məlumatına görə, prezidentlə xanımı Melaniya Tramp Ağ Evdə Yeni il ərəfəsində uşaqların telefon zənglərini qəbul ediblər. 7 yaşlı uşaqlardan biri Trampdan “Şaxta baba varmı” deyə soruşub. O isə cavabında “7 yaşın var, hələ də Şaxta babaya inanırsan?” deyib.

Dialoqun görüntüləri sosial şəbəkələrdə yayıldıqdan sonra Donald Trampa qarşı sərt reaksiyalar yayılmağa başlayıb.