ABŞ-ın “United Airlines” aviaşirkəti Şotlandiyanın Qlazqo şəhərindən ABŞ-ın Nyuark şəhərinə olan uçuşu təxirə salıb.

“Report” yerli mediaya istinadən xəbər verir ki, buna hər iki pilotun sərxoş olması səbəb olub.

Qeyd olunub ki, uçuşdan əvvəl pilotlar qanda spirtin miqdarının ölçülməsini nəzərdə tutan standart yoxlanışdan keçə bilməyib.

Təyyarə komandiri və köməkçi pilot dərhal xidmətdən uzaqlaşdırılaraq həbs edilib.

Aviaşirkət növbəti reysdə sərnişinləri şəhərə yola salacağına söz verib.