Niderland polisi ölkə ərazisində terror hücumu planlaşdıran iki nəfəri saxlayıb.

APA “TASS” agentliyinə istinadən xəbər verir ki, bu barədə çərşənbə axşamı “NOS” teleyayım şirkəti məlumat yayıb.

Məlumata görə, 20 və 34 yaşlı iki kişi ilin sonunda kamikadze kəməri və partlayıcı qurğu yerləşdirilmiş avtomobillərdən istifadə edərək hücum həyata keçirməyi planlaşdırırmış. Şübhəlilərdən biri Zutermer şəhərindəki evində, ikincisi isə Haaqa şəhərində küçədə saxlanılıb.

Prokurorluq qeyd edib ki, terrorçuların hücumu harada keçirməyi planlaşdırdığı dəqiq bilinmir.