Ermənistanın xarici işlər naziri Ara Ayvazyandan sonra onun bütün müavinləri də tam tərkibdə istefa verib.

APA “armenpress”ə istinadən xəbər verir ki, bu barədə Ermənistan Xarici İşlər Nazirliyi məlumat yayıb.

Bildirilib ki, nazir müavinləri keçən həftə Baş nazirin ofisinə istefa ərizələrini təqdim ediblər.

Saytın məlumatına görə, Ermənistan Silahlı Qüvvələrinin Baş Qərargah rəisinin müavini Stepan Qalstyan da artıq istefa ərizəsini yazıb.