ABŞ, Böyük Britaniya, Polşa, Ukrayna, Litva, Latviya, Estoniya və İrlandiyadan olan bir qrup millət vəkili Şimal Axını-2 qaz kəmərinin inşasına qarşı çıxıb.
Axar.az xəbər verir ki, bununla bağlı tərəflər ortaq bəyanat imzalayıblar.
“Şimal Axını-2 kəmərini Rusiyanın enerji bazarına hakim olmaqla Avropaya təsirini genişləndirmək məqsədi daşıyan geosiyasi bir layihə hesab edirik. Boru kəmərinin tamamlanması Rusiya qazının Avropanın enerji təchizatına təsirini gücləndirəcək, AB-yə üzv ölkələrin və ABŞ-ın milli təhlükəsizliyini təhlükəyə atacaq və Ukraynanın onsuz da kövrək olan təhlükəsizliyi və suverenliyini təhdid edəcək”, - bəyanatda qeyd olunub.