“İsrail Silahlı Qüvvələri nüvə təhlükəsi olan İrana qarşı əməliyyat planlaşdırmasını və hazırlığını sürətləndirir”.

Teleqraf.com xəbər verir ki, bunu İsrail Silahlı Qüvvələrinin baş qərargah rəisi Aviv Koçavi deyib.

Koçavi hökumətin 2021-2022-ci illər büdcə planının parlamentdən keçdiyini bildirərək, büdcədə orduya ayrılan payın İranın təhdidləri ilə mübarizə uyğun olduğunu bildirib.


İsrailin düşmənlərinə qarşı əməliyyat və missiyalarını davam etdirdiyini vurğulayan baş qərargah rəisi söyləyib: “İranın nüvə obyektlərinə mümkün hücum üçün hazırlıqlarını gücləndiririk”.

İsrail müdafiə naziri Benni Qantz Şlomidə hərbi sənaye zavodunun açılışındakı çıxışında İranı hədəfə alıb:

“İsrail İran və onun vəkillərinin ölkəmizin hərbi üstünlüyünü sarsıtmağa icazə verməyəcək. Hökumət ayıq-sayıq və hər ehtimala hazır olmaq üçün milyardlarla sərmayə yatırır”.