NATO Rusiya ilə uzun döyüşə hazırlaşmalıdır, heç bir ssenari istisna edilmir, buna görə də gözlənilməz eskalasiyanın qarşısını almaq üçün danışıqlar aparılmalıdır.

Axar.az xəbər verir ki, bu açıqlama ilə Yunanıstan müdafiə naziri Nikolaos Panayotopulos çıxış edib.

"Şərqdə Rusiyanın hərəkətləri NATO-nun açıq şəkildə müdafiə etdiyi azadlıqsevər beynəlxalq nizamı dəyərdən salır. Görünür, Rusiya məğlub edə bilməyəcəyi düşmənlə üz-üzədir. Çox güman ki, onun mövqeyi sarsılacaq. Bununla belə, Moskva BMT Təhlükəsizlik Şurasının daimi üzvü və ən böyük nüvə güclərindən biri kimi ciddi fəsadlar yarada biləcək mühüm oyunçu olaraq qalacaq”, - N.Panayotopulos qeyd edib.