Şimali Koreyanın “Yongbyon” kompleksində nüvə reaktorunun fəaliyyətini davam etdirdiyinə dair xəbərlərin yayılması fonunda Cənubi Koreya KXDR-in nüvə və raket fəaliyyətlərini ABŞ-la sıx əməkdaşlıq edərək izlədiyini bildirib. Ordu.az xəbər verir ki, bu barədə Cənubi Koreyanın Birləşmə Nazirliyi məlumat yayıb.

ABŞ-ın “38 North” monitorinq saytı, peykdən çəkilmiş görüntülərə istinad edərək kompleksdə 5 meqavatlıq reaktordan ən azı bir generatorun işlədiyini göstərən buxarın aşkar edildiyini bildirib.

Nazirlik rəsmisi “kəşfiyyat məsələlərini” təsdiqləməkdən imtina edib, lakin hökumətin KXDR-in nüvə obyektlərini izlədiyini bildirib..

Qeyd olunub ki, Seul, həmçinin 2017-ci ildə yeni qitələrarası ballistik raketin buraxılış ildönümünü qeyd etmək üçün Şimali Koreyada baş verə biləcək hər hansı hadisənin mümkün əlamətlərini izləyir.