Qara dənizdə müharibə küləkləri əsməkdə davam edir. Qərb dünyası rəsmi Moskvanı Ukraynanı işğal etmək planları qurmaqda ittiham edir.

Bizim.Media xəbər verir ki, bu gün döyüş təyyarələrin havaya qalxması gərginliyin qəfil artmasına səbəb olub.

Belarus Müdafiə Nazirliyi iki ölkənin (Belarus-Rusiya) döyüş təyyarələrinin Belarus sərhədində patrul uçuşları həyata keçirdiyini açıqlayıb.

Bu arada, ABŞ dövlət katibi Antoni Blinken çərşənbə axşamı Riqada NATO-nun nazirlər toplantısında deyib ki, Rusiyanın Ukraynaya qarşı istənilən hücumu ciddi cavabla nəticələnəcək.


Rusiya lideri Vladimir Putin isə NATO-nun Ukraynada hərbi infrastrukturunu genişləndirməsinin qırmızı xətt olduğunu bir daha xatırladıb: “Ümid edirəm ki, bu xətt keçilməz”.