“Saudi Aramco” Asiya və ABŞ-a neft ixracı qiymətlərini artırıb
6-12-2021, 18:43
Neft hasilatı və ehtiyatlarına görə dünya lideri olan Səudiyyə Ərəbistanının “Saudi Aramco” şirkəti Asiya və Amerika bazarlarına bütün neft çeşidlərinin yanvar ayı üçün ixrac qiymətlərini artırıb.
Bu barədə “Report” TASS-a istinadən xəbər verir.
Belə ki, Asiya ölkələri üçün “Arab Light” markalı neftin qiymətini 0,6 ABŞ dolları artıraraq, 1 barel üçün 3,3 ABŞ dollarına çatdırıb. Eyni neft çeşidinin ABŞ bazarları üçün qiyməti də 0,4-0,6 ABŞ dolları artırılıb.
Asiya üçün digər neft çeşidlərinin 1 barel üçün qiyməti də 0,3-0,8 ABŞ dolları artırılıb.
Şirkət Şimal-Qərbi Avropa ölkələri üçün yanvar ayının tədarük qiymətlərini 1 barel üçün 0,2-1,5 ABŞ dolları endirib. Aralıq dənizi ölkələri üçün qiymət 0,3-1,4 ABŞ dolları endirilib.
Qeyd edək ki, Səudiyyə Ərəbistanı istehlakçıların müraciətlərinə əsasən tədarük qrafikini hər ayın əvvəli müəyyən edir.