Rusiya Federasiyasının nümayəndələri ilə danışıqlarda Ukrayna nümayəndə heyətinin vəzifəsi prezidentlərin görüşünün baş tutması üçün hər şeyi etməkdir.

Teref.Az Trend-ə istinadən bildirir ki, bunu Ukrayna Prezidenti Volodimir Zelenski videomüraciətində deyib.

"Rusiya Federasiyası ilə danışıqlara gəlincə. Hər gün ölkələrimizin nümayəndə heyətlərinin nümayəndələri videoformatda danışırlar. Nümayəndə heyətimizin qarşısında aydın vəzifə var - prezidentlərin görüşünün baş tutması üçün hər şeyi etmək. Əminəm ki, insanlar da bu görüşü gözləyir", - deyə V.Zelenski bildirib.

O qeyd edib ki, təbii ki, belə bir görüş çətin, lakin zəruri yoldur.

"Bizim məqsədimiz isə Ukraynanın bu mübarizədə, bu çətin danışıqlar məsələsində lazımi nəticəni əldə etməsidir. Bizim üçün, sülh və təhlükəsizlik üçün lazımdır. Normal, effektiv zəmanətlərimizin olması üçün. Nə "Budapeşt"dəki kimi, nə də bizim səmadakı kimi. Və elə ki, ukraynalılar deyə bilsinlər: bu işləyir, bu zəmanətdir. Danışmaq lazımdır", - deyə Ukrayna Prezidenti bildirib.

Danışıqlar prosesinin əvvəlki raundlarının müsbət nümunəsi kimi o, 10 humanitar dəhlizin təşkilini göstərib.

"10-dan çox humanitar dəhliz işə salınıb. Kiyev vilayəti, Luqansk vilayəti... Gün ərzində 5 550 nəfər xilas edilib. Altı gündə - artıq 130 mindən çox. Danışmaq lazımdır. Bu da danışıqlarla bağlıdır. Bunu başa düşmək lazımdır", - deyə V.Zelenski əlvə edib.