Ukrayna Rusiyaya qarşı apardığı mübarizə ilə Avropa Birliyinə üzvlük haqqını qazanıb. Brüssel mənəvi baxımdan ona namizəd ölkə statusu verməlidir.

Axar.az xəbər verir ki, bu açıqlama ilə Litvanın Baş naziri İnqrid Şimonite çıxış edib.

“Heç bir ölkə Avropa ailəsinin bir hissəsi olmaq üçün belə yüksək bədəl ödəməyib. Ona görə də hesab edirik ki, Ukrayna namizəd statusuna layiq idi və bu, bizim Ukrayna xalqı qarşısında mənəvi borcumuzla bağlıdır”, - Şimonite vurğulayıb.

Qeyd edək ki, Ukrayna Prezidenti Vladimir Zelenski Avropa Birliyinə üzvlük üçün müraciət imzalayıb.