Bu gün ABŞ-də elmi dərəcə alan ilk azərbaycanlı qadın, Birləşmiş Ştatların azərbaycanlı alimi Əminə Salamovanın doğum günüdür.
1977-ci ildə Bakıda anadan olub. Orta təhsilini 83 saylı tam orta məktəbdə alıb.
1998-ci idə BDU-nun Kimya fakültəsində bakalavr dərəcəsi, 2000-ci ildə isə həmin ixtisas üzrə magistr dərəcəsinə yiyələnib, hər iki təhsilini qırmızı diplomla bitirib.
2002-ci ildə ABŞ-nin İndiana Universitetinə yenidən magistr proqramına qəbul olunub və 2004-cü ildə ekologiya ixtisası üzrə İctimai və Ətraf Mühit Məsələləri Fakültəsində (ing. School of Public and Environmental Affairs) magistr dərəcəsi alıb.
2013-cü ildən həmin fakültənin elmi işçisidir. Hazırda İndiana Universitetinin Ekoloji Kimya laboratoriyasında ətraf mühitin çirklənməsinin monitorinqi proqramının direktorudur. Bu proqram ABŞ və Kanadanın Ətraf Mühitin Mühafizəsi Nazirlikləri tərəfindən maliyyələşir.
Əminə Salamova Amerika Kimya Cəmiyyəti, Ətraf Mühitin Toksikologiyası və Kimyası Cəmiyyəti, eləcə də Böyük Göllərin Tədqiqatı üzrə Beynəlxalq Assosiasiyanın üzvüdür.
Ailəlidir, 2 qızı var.
Anar Tağıyev
TEREF