Ukrayna prezidenti Vladimir Zelenski Fransa prezidenti Emmanuel Makronu Ukraynaya dəvət edib. Bu dəvətin məqsədi odur ki, Makron Ukrayna xalqına qarşı soyqırım həyata keçirildiyini gözləri ilə görsün.

Qafqaz.media xəbər verir ki, bu barədə Zelenski CNN telekanalına müsahibəsində bildirib.

Ukrayna prezidentinin sözlərinə görə, o, Makronun Ukraynaya səfərini istəyir.

"Düşünürəm ki, o, hansısa addımlar atmaq istəyir ki, Rusiya dialoqa girsin. Sadəcə ona dedim ki, başa düşsün: bu, müharibə yox, soyqırımdan başqa bir şey deyil. Mən onu dəvət etdim ki, mümkünsə gəlsin”, - Zelenski bildirib.

Xatırladaq ki, Makron Rusiya ordusunun ukraynalılara qarşı cinayətləri ilə bağlı “soyqırım” ifadəsinin səslənməsini qəbul etməmişdi.