Suriya üzrə Rusiya-Türkiyə-İran sammiti yayın sonuna qədər və ya ilin sonuna qədər baş tuta bilər.

Modern.az xəbər verir k, bu barədə Rusiya prezidentinin Suriya üzrə xüsusi nümayəndəsi Aleksandr Lavrentyev RİA Novosti-yə müsahibəsində bildirib.

"Əgər zirvə toplantısı avqustun sonuna qədər keçirilə bilərsə, bu yaxşı iş olacaq. Mən başa düşdüyüm kimi, onu daha gec tarixə - bu ilin sonuna qədər də təxirə salmaq variantı ola bilər”, - Lavrentyev bildirib.

Daha əvvəl İran xarici işlər nazirinin köməkçisi Əli Əsgər Hacı bildirib ki, İranda COVID-19 ilə bağlı epidemioloji vəziyyət yaxşılaşdığından bu ölkədə üç prezidentin təxirə salınmış təkbətək görüşü ən qısa zamanda keçirilə bilər.

Sonuncu dəfə liderlər 2020-ci ilin iyulunda birlikdə danışıblar, lakin görüş videokonfrans formatında olub.