Burkina-Fasoda cihadçılarla mübarizə üçün ümumi səfərbərlik elan edilib.

Publika.az "Agence France-Presse"ə istinadla xəbər verir ki, bu qərar hökumət tərəfindən terrorçulara qarşı görüləcək bütün tədbirlər üçün hüquqi baza yaratmaq məqsədilə qəbul edilib.

Burkina-Faso Afrikanın Sahel bölgəsində yerləşir və bir neçə ildir ki, radikal cihadçıların hücumunu cilovlamağa çalışır.

Bu hücumlar nəticəsində çoxlu insan həlak olub, çoxlu bina və infrastruktur dağılıb.


Ölkə hakimiyyəti ümid edir ki, ümumi səfərbərlik onlara terrorçulara qarşı mübarizənin effektivliyini artırmağa, regionda sülh və sabitliyi bərpa etməyə kömək edəcək.