Əgər Rusiya Ukraynanı ələ keçirmək istəsə, bu, onun sonu olacaq.
22-08-2016, 13:31
Axar.az xəbər verir ki, bunu “Seqodnya” informasiya portalına Ukraynanın ilk prezidenti Leonid Kravçuk söyləyib.
Onun sözlərinə görə, genişmiqyaslı müharibə başlayarsa, Rusiya dünyadan tam təcrid ediləcək:
“Ukrayna kimi ərazini tutmaq asan deyil. Üstəlik, Ukraynanı tutmaq ciddi müqavimətlə qarşılaşmaq deməkdir. Bu, həm də bütün Rusiya üçün başağrısı olacaq. Müharibə olacağı təqdirdə dünya Rusiyanı tam şəkildə təcrid edəcək və Moskva dünyanın bir parçası olmaqdan məhrum olacaq. Bu isə qısa zaman ərzində böyük bir ölkənin parçalanmasına şərait yaradacaq”.
