Birləşmiş Ştatlar vahid Suriyanın qorunub saxlanması mövqeyindən çıxış edir və kürdlərin müstəqilliyini dəstəkləmir. TASS xəbər verir ki, bunu ABŞ-ın dövlət katibi Con Kerri bildirib.

“Biz (ABŞ hakimiyyəti — red.) vahid Suriya tərəfdarıyıq. Biz müstəqil kürd təşəbbüsünü dəstəkləmirik. Onlarla və kürd qüvvələrinin bəzi ünsürləri ilə iş olduqca məhdud əsasda aparılıb”, — deyə Kerri Cenevrədə Rusiyanın xarici işlər naziri Sergey Lavrov ilə görüşünün yekununda qeyd edib.

Rusiyanın XİN rəhbəri öz növbəsində bildirib ki, kürdlər Suriya dövlətinin bir hissəsi olaraq qalmalıdırlar.