Parlamentdə Israillilərin ölkəyə girişini qadağan edən qanun layihəsi qəbul edilib

11-06-2024, 12:04           
Parlamentdə Israillilərin ölkəyə girişini qadağan edən qanun layihəsi qəbul edilib
Maldiv adalarının parlamenti İsrail pasportu olan şəxslərin ölkəyə girişini qadağan etmək üçün qanuna lazımi düzəlişi qəbul edib.Ölkənin əsas müxalifət partiyası olan Maldiv Demokratik Partiyasının (MDP) Nazirlər Şurasına təqdim etdiyi və İsrail pasportu sahiblərinin Maldiv adalarına girişinin qarşısını alan qanun layihəsi parlamentdə səs çoxluğu ilə qəbul edilib.

Müvafiq qanun dəyişikliyi baxılması üçün Təhlükəsizlik Komitəsinə göndərilib.

Parlamentdəki iqtidar və müxalifət deputatları qanunun dəyişdirilməsi prosesinin iqtidarın və xalqın istəyinə uyğun olaraq sürətləndirilməsini istəyiblər.

Yekun səsvermədən sonra ikili vətəndaşlığı olanlar da daxil olmaqla bütün İsrail pasportu sahiblərinin Maldiv adalarına girişi qadağan ediləcək.

Maldiv adalarında İsrail vətəndaşlarının ölkəyə girişinin qarşısını almaq üçün keçirilən nümayişlərdən sonra Maldiv prezidentinin ofisi iyunun əvvəlində İsrail pasportu sahiblərinin Maldiv adalarına girişinin qarşısını almaq üçün qanunun dəyişdirilməsinə qərar verdiyini açıqlayıb.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.