Almaniya hökuməti İsrailə silah ixracı üçün icazələrin verilməsini dayandırması ilə bağlı daha əvvəl mətbuatda yayılan xəbərləri təkzib edib.

TASS xəbər verir ki, bu barədə Almaniyanın İqtisadiyyat Nazirliyinin nümayəndəsi deyib.

"İsrailə silah ixracına qadağa yoxdur və olmayacaq. Almaniya hökuməti hüquqi və siyasi tələblərə uyğun olaraq, xarici və təhlükəsizlik siyasətini nəzərə alaraq hər bir konkret vəziyyətə uyğun olaraq silah ixracına icazə vermək qərarına gəlir. Hər bir fərdi işə baxılarkən həmişə mövcud vəziyyət, o cümlədən HƏMAS və "Hizbullah"ın İsrailə hücumları, həmçinin Qəzzada əməliyyatın gedişi nəzərə alınır", - Almaniya İqtisadiyyat Nazirliyindən bildirilib.