Bir neçə gün əvvəl İran ordusunun hava hücumundan müdafiə bölmələri ilə SEPAH arasında keçirilən hərbi təlimlər çərçivəsində İranın 110 kilometr mənzilli yeni Fəcr 5 raketləri nümayiş etdirilib.
İran İslam İnqilabı Keşikçiləri Korpusunun (SEPAH, Silahlı Qüvvələrin xüsusi təyinatlıları) hərbi dəniz qüvvələrinin Fars körfəzində irimiqyaslı təlimləri başlayır. Bu barədə IRIB agentliyi xəbər verir.
"İran Hərbi Dəniz Qüvvələrinin Fars körfəzi, Hörmüz boğazı və Fars körfəzinin İran adaları yaxınlığında genişmiqyaslı təlimləri başlayır. İran İnqilabı Keşikçiləri Korpusunun Hərbi Dəniz Qüvvələrinin komandanı Əlireza Tanqsiri bildirib ki, bu təlimlərdə iştirak edən bölmələrin nümayiş etdirəcəyi güc SEPAH donanmasının imkanları ilə müqayisədə çox kiçikdir", - agentlik xəbər verir.
Bir neçə gün əvvəl İran ordusunun hava hücumundan müdafiə bölmələri ilə SEPAH arasında keçirilən hərbi təlimlər çərçivəsində İranın 110 kilometr mənzilli yeni "Fəcr 5" raketləri nümayiş etdirilib.
Keçən həftə SEPAH-ın yüksək komandanlığı dəniz qüvvələri üçün gizli yeraltı baza nümayiş etdirib. Bazanın nümayişini İran İnqilabı Keşikçiləri Korpusunun Ali Baş Komandanı Hüseyn Salami və Hərbi Dəniz Qüvvələrinin komandanı Əlirza Tanqsiri aparıblar. Salaminin sözlərinə görə, bu baza və orada göstərilən "Hornets" ləqəbli katerlər SEPAH-ın döyüş potensialının yalnız kiçik bir hissəsidir.