ABŞ Prezidenti Donald Tramp bazar ertəsi günü ABŞ-a bütün polad və alüminium idxalına 25%-lik yeni tarifləri elan edəcəyini deyib.

Air Force One-da jurnalistlərə danışan Tramp eyni zamanda, demək olar ki, dərhal qüvvəyə minəcək qarşılıqlı tarifləri çərşənbə axşamı və ya çərşənbə günü elan edəcəyini bildirib.

Tramp prezidentliyinin ilk dövründə polad üçün 25% və alüminium üçün 10% tariflər tətbiq etmişdi, lakin daha sonra Kanada, Meksika və Braziliya da daxil olmaqla, bir neçə ticarət tərəfdaşına rüsumsuz kvota vermişdi.

Keçmiş prezident Co Bayden bu kvotaları Britaniya, Yaponiya və Avropa İttifaqına uzatdı və ABŞ polad zavodunun gücündən istifadə son illərdə azalıb.

Ağ Evin sözçüsü Karoline Leavitt bildirib ki, yeni tariflər polad və alüminium üçün mövcud rüsumlara əlavə ediləcək.

Cümə günü Tram, bu həftə bir çox ölkələrə qarşılıqlı tariflər tətbiq edəcəyini - ticarət tərəfdaşlarının tariflərinə uyğun olaraq ABŞ tarif dərəcələrini artıracağını açıqlayıb.