Ukrayna məktəblərində rus dilini qadağan etmək mümkün deyil, çünki bu, Avropa İttifaqı standartlarını pozur.

Demokrat.az xəbər verir ki, bunu Ali Radanın Təhsil Komitəsinin rəhbəri Sergey Babak deyib.

“Ukraynanın Aİ-yə daxil olmaq istəklərini, həmçinin Venesiya Komissiyasının tövsiyələrini və Aİ-nin ayrı-ayrı üzv dövlətlərinin tələblərini nəzərə alaraq, biz təhsil qanunvericiliyində yerli dillərin istifadəsinə qadağa qoya bilmərik”, - deyə Babak bildirib.

O qeyd edib ki, belə bir norma ayrı-seçkilik kimi qiymətləndiriləcək və Ukraynanın Avropa İttifaqına üzvlüyünü çətinləşdirəcək.

Fevral ayında Ukraynada rusdilli mahnıların qadağan olunmasını tələb edən petisiya tələb olunan 25 min imza toplayıb.