ABŞ respublikanın dondurulmuş aktivlərini blokdan çıxarmağa razılaşarsa və onun dinc məqsədlərlə zənginləşdirmə hüququnu tanıyarsa, Tehran uranın zənginləşdirilməsini bir il müddətinə dayandıra bilər.

Oxu.Az xəbər verir ki, bu barədə "Reuters" İran mənbələrinə istinadən məlumat verib.

Mənbələrin bildirdiyinə görə, ABŞ İranın şərtlərini qəbul edərsə, iki tərəf siyasi razılaşma əldə edə biləcək. Qeyd olunur ki, ABŞ-nin danışıqlar qrupu ilə məsələ hələ müzakirə edilməyib. Yüksək dərəcədə zənginləşdirilmiş ehtiyatların bir hissəsi digər ölkələrə çatdırılacaq və ya dinc məqsədlər üçün yanacağa çevriləcək.

ABŞ dəfələrlə bəyan edib ki, İranın nüvə proqramı ilə bağlı yeni saziş zənginləşdirmənin dayandırılmasını nəzərdə tutmalıdır.