Fransa tarixinin ən qalmaqallı pedofiliya işində müttəhim Joel Le Squarnek 20 il həbs cəzasına məhkum edilib.
Bu barədə kommersant.ru yazır.

Cəzasını çəkdikdən sonra o, daha 15 il sosial-tibbi mərkəzdə nəzarət altında qalmalı olacaq.

Məhkəmə onu əsasən yetkinlik yaşına çatmayanlardan ibarət 299 nəfərə təcavüz və cinsi qısnamada təqsirli bilib. Həkimin polis tərəfindən aşkar edilmiş gündəliyində isə 349 nəfərin adı olub.

Le Squarnek Fransanın qərbində bir neçə klinikada çalışıb. Hazırda onun 74 yaşı var. O, 2020-ci ildə ələ keçib.

Cərrahın qurbanlarının orta yaşı 11-dir. Onun əməllərindən zərər çəkənlərdən ən kiçiyinin 1, ən böyüyünün isə 70 yaşı var.