ABŞ Federal Beynəlxalq Ticarət Məhkəməsi Prezident Donald Trampın səlahiyyətlərindən sui-istifadə etdiyini əsas gətirərək, idxal rüsumlarının tətbiqi qərarının icrasını əngəlləyib.

Məhkəmənin elektron məlumat bazasında dərc olunan sənəddə deyilir: “Rüsumların tətbiqi ilə bağlı mübahisəli sərəncamlar ləğv ediləcək və onların qüvvəsi daimi əsaslarla dayandırılacaq. Yeni idxal tariflərini elan etməklə Tramp “Beynəlxalq Fövqəladə İqtisadi Güclər Aktı (IEEPA) ilə prezidentə verilən səlahiyyətləri aşıb”.

Məhkəmə təkcə Trampın aprelin 2-də elan etdiyi 185 ölkədən və bölgədən gələn məhsullara cavab tariflərini bloklayıb.

CNN xəbər verir ki, məhkəmənin qərarı avtomobillərin və onların ehtiyat hissələrinin, polad və alüminiumun tədarükü tariflərinə şamil edilmir. Onlar Ticarətin Genişləndirilməsi Aktı çərçivəsində təqdim edilib. Məhkəmə Trampın başqa qanun çərçivəsində səlahiyyətlərini aşdığına qərar verib. Bu, o deməkdir ki, tənzimləmə Çindən gətirilən tədarüklərə görə 30%, Meksika və Kanadadan bəzi malların idxalına 25%, eləcə də 10% universal rüsumlara təsir edəcək.

Tramp administrasiyası artıq hökmdən ABŞ-ın Federal Dairə Apellyasiya Məhkəməsinə şikayət edəcəyini bildirib.