Rusiya Ukraynada genişmiqyaslı müharibəyə başladıqdan bəri neft və qaz ixracından təxminən 900 milyard avro qazanıb.

AzPost bildirir ki, bu barədə BBC CREA-nın məlumatlarına istinadən yazıb.

Genişmiqyaslı müharibə başlayandan bəri Rusiya yanacaq satışından 883 milyard avrodan çox qazanıb. Bura həmçinin sanksiyalar tətbiq edən ölkələrdən gələn 228 milyard avro daxildir.

BBC yazır ki, bunun 209 milyard avrosu Türkiyə üzərindən tədarük də daxil olmaqla, hələ də Rusiya qazını alan Avropa İttifaqına gedib.

Bu, Ukraynaya verilən bütün hərbi və maliyyə yardımının məbləğindən üç dəfə çoxdur.

CREA hesab edir ki, Rusiya LNG-nin 50%-i Aİ-yə gedir.

Mütəxəssislər qeyd edirlər ki, ixracdan əldə olunan gəlirlər müharibənin maliyyələşdirilməsi üçün mühüm əhəmiyyət kəsb edir.