Britaniya nüvə silahlarının modernləşdirilməsinə 15 milyard funt sterlinq sərmayə qoyacaq.
Böyük Britaniya nüvə başlıqları arsenalının modernləşdirilməsi proqramına 15 milyard funt sterlinq xərcləyəcək.
Ajans.az xəbər verir ki, bu barədə Böyük Britaniyanın Baş naziri Kir Starmer Qlazqoda keçirdiyi mətbuat konfransında bildirib.

“Bu gün təsdiq edə bilərəm ki, suveren nüvə başlığı proqramımıza 15 milyard funt sterlinq xərcləyəcəyik. Nüvə çəkindirici qüvvələrin qarşıdakı modernləşdirilməsi tarixi olacaq”, - o deyib.

Xatırladaq ki, iyunun 1-də Böyük Britaniya hökuməti sualtı qayıqların tikintisi proqramını genişləndirmək planlarını açıqlamışdı. Söhbət AUKUS proqramı çərçivəsində 12 sualtı qayığın inşasından gedir. Qurumun saytında bunun ölkənin nüvə arsenalının yenilənməsi proqramı üçün ayrılmış 15 milyard funt sterlinqlik investisiyalar əsasında həyata keçiriləcəyi bildirilib.