Braziliya Prezidenti Luis İnasio Lula da Silva bildirib ki, İstanbul danışıqları ərəfəsində Rusiya Prezidenti Vladimir Putinə Ukrayna lideri Volodimir Zelenski ilə görüşməyi tövsiyə edib.
Bu barədə o, Fransanın "Le Monde" qəzetinə verdiyi müsahibədə danışıb.

“Putinə dedim ki, artıq müharibəyə son qoymağın vaxtıdır və ona Zelenski ilə görüşməyi məsləhət gördüm. Təəssüf ki, bu baş vermədi”, – deyə Braziliya lideri əlavə edib.

Mayın 29-da Dövlət Dumasının Beynəlxalq Əlaqələr Komitəsi sədrinin müavini Aleksey Çepa bildirib ki, Vladimir Putin və Volodimir Zelenski arasında görüşün baş tutması üçün bir sıra şərtlər yerinə yetirilməlidir. Onun sözlərinə görə, əvvəlcə birgə memorandum hazırlanmalı, bu memorandum Putinlə, daha sonra isə Zelenski tərəfindən Avropa həmkarları ilə müzakirə olunmalıdır.