Böyük Britaniyanın paytaxtı Londonda, məşhur Atlı Qvardiya Muzeyinin yaxınlığında bir turist unudulmaz foto təcrübəsi yaşayıb. Foto çəkdirmək istəyən qadın Kral qvardiyasının atına həddindən artıq yaxınlaşanda, at onu dişləyib.

Oxu.Az xəbər verir ki, hadisə barədə məlumatı "Daily Mail" yayıb.

Görüntülərdən aydın olur ki, qadın müəyyən olunmuş təhlükəsizlik qaydalarına əməl etmədən ata çox yaxınlaşıb. At bu davranışa aqressiv reaksiya göstərərək qadını dişləyib.

Qeyd edək ki, Atlı Qvardiya Muzeyinin yaxınlığında "Diqqət! Atlar təpik ata və ya dişləyə bilər" xəbərdarlıq lövhəsi mövcuddur. Buna baxmayaraq, turistlərin əksəriyyəti bu xəbərdarlığı nəzərə almır.