Şimali Koreya Cənubi Koreyanın hərbi sirlərini öyrənmək üçün pilotsuz uçan aparatdan istifadə edib.

Axar.az xəbər verir ki, bunu jurnalistlərə açıqlamasında Cənubi Koreyanın Müdafiə naziri Xan Min Qu söyləyib.

Aparatın Şimali Koreya aid olmasından şübhələnən müdafiə naziri PUA-nın THAAD raketlərinin 10-a yaxın fotosunu çəkdikdən sonra Cənubi Koreya ərazisində yerə düşdüyünü vurğulayıb. Onun sözlərinə görə, bu aparat 2014-cü ildə Cənubi Koreyada vurulan Şimali Koreyaya aid başqa bir pilotsuz uçan aparata çox bənzəyir.

Qeyd edək ki, BMT keçən ilki hesabatında Cənubi Koreyaya Şimali Koreyadan 300-ə yaxın pilotsuz uçan aparatın göndərildiyini bildirmişdi.