Qlobal bazarların səbirsizliklə gölədiyi qərar açıqlandı.

“Marja” xəbər verir ki, ABŞ Mərkəzi Bankı Fed-in İyun ayı iclası başa çatıb.

İclasda qəbul olunmuş qərarla uçot dərəcəsini (faiz) 0,75%-1.00% aralığından 1.00%-1.25% aralığına qaldırılıb. Beləliklə, Fed faizi 0,25 faiz bəndi artırıb.

İnvestorlar da Fed-in faizi bu nisbətdə artıracağını gözləyirdilər.

Fed sədri Janet Yellen Bakı vaxtı ilə saat 22:30-da mətbuat konfransı keçirəcək.

Bank son olaraq Mart ayında faizin 25 bənd artımla 0,75-1,00 faiz aralığına yüksəltmişdi.

“Fed 2017-də daha bir dəfə faiz artırımı nəzərdə tutur”, – qərar mətnində deyilir.