ABŞ-ın vitse-prezidenti Mayk Pens Kennedi Kosmik Mərkəzində çıxış edib.

"Ölkə.Az" xəbər verir ki, Pens ABŞ-ın Marsa insan göndərəcəyi barədə söz verib.

ABŞ-ın vitse-prezidenti deyib: "Buradan "Habbl" kosmik teleskopu, "Yeni horizontlar" teleskopu və digər texnoloji möcüzələr start götürüblər. Onlar bizə keçmişimizə pəncərə olan planetlər arasında qonşularımızı, uzaq ulduzları və sonsuz qalaktikanı göstərdilər".

Mayk Pens söz verib ki, ABŞ Marsa insan göndərəcək: "Buradan-bizim kosmosa olan körpüdən Aya insan göndərəcəyik. Biz elə edəcəyik ki, amerikalının ayağı Marsa da dəysin".

Qeyd edək ki, bir müddət əvvəl britaniyalı alim Houkinq bildirmişdi ki, Ayda və Marsda koloniyalar qurulmalıdır.