Suriyanın Həma, Xüms və İdlib şəhərlərində on mindən çox döyüşçü Fəth əl-Şam (keçmiş adı Nüsrə Cəbhəsi) qruplaşmasına qarşı savaşa hazırdır.

Bu açıqlama ilə Suriya Milli Sülh və Atəşkəs Şurasının sədri Şeyx Saleh Nəimi çıxış edib.

Nəimi Rusiyadan dəstək veriləcəyi təqdirdə terrorçulara qarşı döyüşməyə hazır olduqlarını bildirib.

Ankarada silahlı müxalifət və rus nümayəndələr arasında ən qısa müddətdə danışıqlar aparılmasını istədiklərini deyən Nəimi əmr verilərsə, Deyr əz-Zoru azad etmək üçün əməliyyatlara başlayacaqlarını qeyd edib.(axar.az)