Səudiyyə Ərəbistanı rəhbərliyi Qırmızı dənizin ətrafındakı 50 adanı xüsusi turizm bölgəsi elan etməyə hazırlaşır.

Axar.az xəbər verir ki, bölgə üçün tikinti işlərinin 2019-da başlayacağı, hava limanı tikiləcək ərazinin 2022-ci ildə tam hazır olacağı bildirilib.

Ölkənin digər bölgələrində mövcud olan geyim qadağalarının yeni turizm bölgəsinə də şamil olunub-olunmayacağı məsələsi hələlik dəqiqləşməyib.

Qeyd edək ki, alkoqolun, kino və teatrların qadağan olunduğu Səudiyyə Ərəbistanında qadınların baş və qollarının örtülü olması məcburidir.