Rusiyalı turistlər Coxsackievirus virusuna görə (bağırsaq virusu) Türkiyəyə səfərdən imtina edirlər.

İnterfaksın avqustun 9-da yaydığı məlumata görə, artıq xeyli adam turizm bürolarına zəng edərək səfərin təxirə salınmasını istəyib.

Amma virusla bağlı rəsmi orqanlardan təsdiq olmadığından turizm agentlikləri səfərləri təxirə salmırlar.

Kütləvi informasiya vasitələri bundan əvvəl Türkiyədə Coxsackievirus virusu yayılması barədə məlumat yayıb.

“Rospotrebnadzor” ötən həftə bununla bağlı Türkiyəyə rəsmi sorğu göndərib və turistlərin özlərindən dəqiq məlumat almaq üçün qaynar xətt açıb.